GEOGRAFISCH´S KALEIDOSKOP
(schwach-sinnig)
Nach Norwegen, in den Norden, zu den tiafn, kaltn Fjorden,/
ziagn de Lemminge in Horden, um sich selber zu ermorden!/
*
Die Australier in Gwinsländ, haum an Brauch, den jedes Kind kennt,/
jagn die Känguruhs mit langen und gekrümmten Bumerangen!
*
Fahrt ma durch die Dardanellen, is` nu weit zu de Seychellen,/
in da Straßn va Korea, is ma eahna a net näher!
*
Königstiger in Bengalen und in Dschungl Kannibalen/
fressn Menschn, und de Muckn,fressn oan af de Molukkn!
*
Mancher Bär der Karawanken, reisst a Schof, mit seine Pranken,/
dann vajagt man ins Karwendl und dort kriagt a nur a Hendl!
*
Auf den südlichen Hebridn, gibts koa Cheopspyramidn,/
in der Innern Mongolei, steht koa Westminster-Abtei!
*
Über d` Berge va de Dänen, lacht da Nepalese Tränen/
und da Neapolitaner, lebt weng südlich der Toskana!
*
Ein Glas Portwein trinkt gern Don Manuel, aus Lissabon,/
wann er mehr trinkt, na dann is er, halt a "Blauer Portugieser"!
*
In da Gegnd va Sardinien, wachsn überall de Pinien, /
wachsn a auf Korsika, nur, dort reimen se si schwa!/
*
Im Sambesi und am Nile, lebm viele Krokodile,/
in da Ostsee und Ukraine gibts dagegn so ziemlich keine!
*
Durch de hoasse Serengeti irrt a hoamatloser Yeti!/
Über eahm kreisn de Geier - er wüll zruck, in Himalaya!
*
Eine Dame Namens Mona fleht, besuch mich in Ancona,/
aber leider kimm i nie, weida wia bis Rimini!
*
in da Taiga und am Amur, is` des ganze Jahr fast kalt nur/
und drum kräuln a de Sibirer, kam aus ehane Hüttn vüra!
*
Durch de Wüste Atacama, reit` a Inka auf sein` Lama,/
in an schofwollern Pyjama, selber g`strickt, va seiner Mama!
*
Und a Gaucho, namens Paco, tragt sein` Poncho, im Gran Chaco,/
doh wanns kalt wird, auf da Pampa, nimmt a gern an wärmern Schamper!
*
Von an Schiff am Mississippi, machn siebzig Schiffer pippi,/
aber trotz dieser Enthemmung, kimmts zu koana Ãœberschwemmmung!
*
In Mauthausen, an da Doana, bei an Doppler Wein sitzt oana,/
schreibt, van Alkohol umnachtet, Schwachsinn nur, genau betrachtet!
/ 1998
