Drah dih net um

Glaubst allwei noh se ha(b)n uns nix ta(n), es is garnix gschegn nur wie(l) ma s' net segn? Drah dih net um da fux geht um. Heast net wia s' liagn wia s' d' wahrheit vabiegn wia ins wassa es gift rinnt wia allwei es göd gwinnt? Drah dih net um da fux geht um. Ziag dih a(n) es is kalt de wöd de is bald hoat wiara stah(n) und du bist alla(n)! Drah dih net um da fux geht um. Drah dih schö um da fux, der geht um! Stö dih net blind geh a(n) geng an wind steh auf gegen de not 's geht auf le(b)n und tod.

A såat geht auf

de is nimma zun damahn de bluatblumen hå(b)n eisane stangln, s'unfriednkraut wåchst uns üwan kopf und s'blindgrås und de taubnesseln stengan so dicht, daß se de leit nimma segn und hean kennan. Wåmma net schnö ålle zåmmhöfn bein mahn vaschluckt uns da dschungl und ka håh(n) kraht mea nåch uns.