Die Zeit

Was is die Zeit? Sie is des Heut'. Was gestern gwen, des is vaganga. Was morgn wird sei', des muaßt daglanga, drum nutz des H e u t'! Des is die Zeit.

Silberdisteln

Wia vom Himmi obagfalln liengn auf der Alm verstraat hiaz vü schene Silberstern, - und umadum wird's stad. D'Schafi san scho obatriebm, die Küah und ah die Kalbm. Hörst koa oanziges Glöckerl mehr. - Verlassen is die Alm. Ausn niadern Latschengstrüpp kannst noh a Vogerl hörn, und umadum am Bodn liegn Silberdiestelstern.

Was is a Zaun?

's gibt verschiedne Zäun: hölzerne, eiserne, gmauerte und andre. Jeder Zaun is allweil Abgrenzung vom Nachbarn, a Heazoagn – was sei' is, dort wo a Fremder unvalaubt nit einderf durch sei Gartentürl. Aber a Blick übern Zaun und eppa noh a Gruaß oder gar a Dischgur hinum und ah herum? vo oan Mensch zan andern übern Zaun? Wann ich fortgeh, möcht ich Spuren hinterlassn, auf denen die Mein' allweil an graden Weg finden.